Arıqlamağın yeganə yolu nədir?

Arıqlamağın yeganə bioloji yolu kalori defisitidir. Orqanizm gün ərzində yandırdığı enerjidən daha azını qida ilə alanda çatışmayan enerjini öz ehtiyatlarından, ilk növbədə piy toxumasından ödəməyə məcbur olur. Heç bir xüsusi məhsul, yağ yandıran çay, detoks içkisi və ya sehrli pəhriz bu fiziki qanundan yan keçə bilməz.

Mətbəx baxımından arıqlamaq özünü ac saxlamaq demək deyil. Əksinə, davamlı nəticə əldə etmək üçün yeməyin ümumi həcmini azaltmadan onun enerji sıxlığını azaltmaq lazımdır. Yalnız belə olduqda toxluq hissi qorunur və insan pəhrizi yarımçıq qoymur.

Kalori defisiti mətbəxdə necə işləyir?

İnsan bədəni nə yediyini yox, nə qədər enerji aldığını hesablayır. Fərqli pəhrizlərin – istər keto, istər aralıqlı oruc, istərsə də az yağlı pəhrizin uğurlu olması onların adında deyil, yaratdığı kalori defisitindədir. Əgər bir rejim sizi günün sonunda daha az kalori almağa vadar edirsə, çəki atacaqsınız. Hansı rejimdə olmağınızdan asılı olmayaraq, xərclədiyinizdən çox yesəniz, kökələcəksiniz.

Bunu idarə etməyin ən asan yolu qidaların kalori sıxlığını anlamaqdır. Eyni boşqab həcmində olan iki fərqli yemək bədənə tamam fərqli enerji verə bilər:

• Yüksək sıxlıqlı qidalar: Yağlar, qızartmalar, şirniyyatlar, xəmir xörəkləri və maye kalorilər (qazlı sular, şirələr). Bunlar kiçik porsiyada çox yüksək kalori daşıyır və toxluq hissi yaratmır.
• Aşağı sıxlıqlı qidalar: Tərəvəzlər, yağsız ət, toyuq sinəsi, balıq, paxlalılar və göyərtilər. Bunlar böyük həcm tutur, mədəni doldurur, lakin az enerji verir.

Mətbəxdə ən çox edilən səhvlər

İnsanların çoxu az yediyini düşündüyü halda arıqlaya bilmir. Bunun səbəbi çox vaxt qidaların deyil, onların bişirilmə və hazırlanma üsulunun gözdən qaçmasıdır.

Birincisi, gizli yağlardır. Tavaya tökülən bir xörək qaşığı bitki yağı təxminən 120 kaloridir. Salata "sadəcə zeytun yağı" gəzdirəndə və ya soğançanı bol yağda qovuranda yeməyin kalorisi ikiqat artır. Yağ bədən üçün lazımdır, lakin onu gözəyarı deyil, ölçərək istifadə etmək şərtdir.

İkincisi, souslar və əlavələrdir. Mayonez, hazır salat sousları, krem-pendirlər və ketçup kimi əlavələr sağlam görünən bir salatı və ya qarniri asanlıqla desert qədər kalorili edir.

Üçüncüsü, ifrat məhdudiyyətdir. Yeməyi birdən-birə kəskin azaltmaq maddələr mübadiləsini zəiflətmir, lakin güclü aclıq yaradır. Nəticədə insan bir neçə gün sonra dözməyib daha çox yeməyə başlayır.

Ac qalmadan necə bişirməli?

Arıqlamaq üçün menyunu tamamilə dəyişmək lazım deyil, tanış yeməklərin tərkibini düzəltmək kifayətdir:

1. 1.Boşqabın yarısını tərəvəzlə doldurun. Xiyar, pomidor, kələm, qabaq, göyərti və digər lifli tərəvəzlər mədəni dolduraraq toxluq siqnalı göndərir.
2. 2.Hər paya zülal daxil edin. Zülal (yumurta, kəsmik, quş əti, mal əti, balıq, mərci) həzm zamanı ən çox toxluq verən və bədənin həzm üçün ən çox enerji xərclədiyi qida maddəsidir.
3. 3.Yağları nəzarətdə saxlayın. Qızartma əvəzinə sobada bişirmə, qaynatma, buxarda hazırlama və ya ızqara üsullarına üstünlük verin. Tavaya yağı şüşədən süzmək yerinə qaşıqla ölçün və ya fırça ilə çəkin.
4. 4.Maye kaloriləri kəsin. Kompot, şirə, şəkərli çay və kofe gün ərzində fərqinə varmadan yüzlərlə kalori gətirir. Əsas içki su olmalıdır.
5. 5.Qazlı içkiləri sevirsinizsə, şəkər əvəzedicisi olan analoqlardan istifadə edə bilərsiniz. Misal üçün, Coca-Cola Zero tərklibində demək olar ki, kalori yoxdur.

Niyə sərt pəhrizlər işə yaramır?

İstənilən sərt pəhriz (tək bir ərzaqla bəslənmək, karbohidratı tam sıfırlamaq və s.) müvəqqəti nəticə verir, çünki ömür boyu bu şəkildə yaşamaq mümkün deyil. Pəhriz bitdikdən sonra köhnə vərdişlərə qayıdanda itirilən çəki sürətlə geri qayıdır, çox vaxt daha çox piy qatı ilə birlikdə.

Yeganə işləyən həll yolu ömür boyu saxlaya biləcəyiniz sadə yemək vərdişləri formalaşdırmaqdır. Xərclədiyiniz enerjidən bir az az yemək, hərəkətdə olmaq və porsiyaları düzgün bişirmək kifayətdir.