Badımcan Küküsü

Ərzaqlar

• Badımcan 600 q
• Soğan 200 q
• Yumurta 5 ədəd
• Qoz ləpəsi 70 q
• Bitki yağı 70 ml
• Duz
• İstiot

Hazırlanma qaydası

1. 1.Badımcanın və soğanın qabığını soyub yuyun və sürtgəcdən və ya ətçəkən maşından keçirin.
2. 2.Sürtgəcdən keçirilmiş badımcanla soğana duz qatın və 5–10 dəqiqə saxlayın ki, suyu çıxsın.
3. 3.Qatışığın suyunu tənzif və ya əllərinizlə yaxşıca sıxın.
4. 4.Qozu xırda doğrayın. Yumurtaları çalın, içinə tərəvəzləri və qozu qatıb zövqə görə duz və istiot əlavə edərək qarışdırın.
5. 5.Tavaya bitki yağı əlavə edib qızdırın.
6. 6.Kükü qarışığını tavaya töküb qapağı örtülü şəkildə zəif odda bişirin.
7. 7.Altı qızarıb üstü azca bərkiyəndə kükünü çevirin və digər tərəfini də qızardın.