Mavigiləli Alman Pankeyki

Ərzaqlar

• Yumurta 3 əd
• Süd 3/4 stəkan (stəkan ölçüsü 200 ml)
• Un 3/4 stəkan
• Vanilin 10 q
• Duz 1/4 ç.q.
• Şəkər 3 x.q.
• Əridilmiş kərə yağı 2 x.q.
• Limon qabığı 1 ədəd

Tava üçün

• Kərə yağı 2 x.q.
• Mavigilə 100 q

Üzəri üçün

• Şəkər pudrası 1 ç.q.

Hazırlanma qaydası

1. 1.Əvvəlcədən sobanı 210 dərəcədə alt-üst rejimdə qoşun ki, qızsın. Eyni zamanda çuqun tavanı orta odda bərabər şəkildə qızdırın.
2. 2.Yumurta, süd, un, vanilin, duz, şəkər, əridilmiş kərə yağı və limon qabığını blenderə əlavə edib hamar qarışım alınana qədər qarışdırın.
3. 3.Tava tam qızdıqdan sonra içinə kərə yağı əlavə edib əridin. Ardınca mavigiləni əlavə edin və gözləmədən xəmir qarışımını tavaya tökərək dərhal 210 dərəcədə qızdırılmış sobanın orta səviyyəsinə yerləşdirin.
4. 4.Təxminən 15 dəqiqə bişirin.
5. 5.Hazır olduqdan sonra üzərinə şəkər pudrası səpərək servis edin.

Qeydlər

• Kərə yağının yanmamasına diqqət edin.
• Tava kifayət qədər qızmasa, pankeyk qalxmaya bilər.
• Bişirmə zamanı sobanın qapağını açmayın, əks halda pankeyk qalxmaya bilər.
• Sobaların gücü fərqli olduğu üçün bişmə müddətinə nəzarət edin ki, yanmasın.
• Pankeyk sobadan çıxandan sonra şişinin enməsi tam normaldır, belə də olmalıdır.