Düyüdən Suşi-Tako

Tənbəl suşi sevənlər üçün əla və çox dadlı tərif: sobada xırçıldayan düyü və tuna içliyi ilə suşi-tako.

Düyü üçün

• Yumru düyü 500 q
• Su 550 q
• Düyü sirkəsi (alma və ya üzüm sirkəsi də olar) 65 q
• Şəkər tozu 45 q
• Duz 5 q

Tako üçün

• Bişmiş yumru düyü 240–300 q
• Mozzarella pendiri 100 q

İçlik üçün

• Konservləşdirilmiş tuna 200 q
• Krem pendir 3 x.q.
• Sloboda mayonez 1 x.q.
• Avokado 1 əd.
• Nori 1 vərəq
• Qara küncüt 1 ç.q.
• Paprika tozu 1 ç.q.

Servis üçün

• Kahı yarpaqları
• Qara küncüt
• Unaqi və şriraça sousu
• Soya sousu

Hazırlanma qaydası

1. 1.Yumru düyünü soyuq suda su tam şəffaf olana qədər yuyun.
2. 2.Düyüyə suyu əlavə edib qalın dibli qazanda orta odda qaynamaya çatdırın. Qaynayan kimi odu minimuma endirib qapağı bağlı şəkildə 15 dəqiqə bişirin.
3. 3.Odu söndürüb qapağı açmadan daha 15 dəqiqə dəm almağa qoyun.
4. 4.Sirkə, şəkər tozu və duzu ayrıca qabda həll edin (tam həll olmursa, azca isidə bilərsiniz).
5. 5.Hazır sirkəli qarışığı bişmiş düyünün üzərinə əlavə edib asta qarışdırın.
6. 6.Silikon örtüklü perqament kağızının üzərində nəm əllə hərəsi 80–100 qramlıq 3 dairəvi düyü kündəsi formalaşdırıb yastılayın.
7. 7.Üstünə sürtgəcdən keçirilmiş mozzarella pendiri səpin və əvvəlcədən 180°C-yə qədər qızdırılmış sobada üstü qızarana kimi bişirin.
8. 8.İçlik üçün tunanın suyunu süzün, krem pendir, Sloboda mayonezi, kub şəklində doğranmış avokado, xırdalanmış nori və paprika əlavə edib yaxşıca qarışdırın.
9. 9.Düyü kündələrini sobadan çıxarıb bir az soyumağa qoyun.
10. 10.Üstünə kahı yarpağı və tuna içliyi qoyub ikiqat bükərək tako forması verin.
11. 11.Üzərinə unaqi və şriraça sousu tökün, küncüt səpin və arzuya görə soya sousu ilə servis edin.

Qeydlər

• Düyü yapışmasın deyə mütləq silikon örtüklü perqament kağızından istifadə edin.
• Avokadonu əlavə etməzdən əvvəl dadına baxın ki, acı olmasın.