Sushi Bake

Dadı klassik suşidən geri qalmır, üstəlik hazırlaması çox asandır.

Ərzaqlar

• Yumru düyü 500 q
• Su 550 q
• Düyü sirkəsi 65 q (alma və ya üzüm sirkəsi də olar)
• Şəkər tozu 45 q
• Duz 5 q
• Qızıl balıq 650 q (tuna konservi də istifadə oluna bilər)
• Krem-pendir 100 q
• Sloboda mayonez 2 x.q.
• Sriracha sous 1 x.q. (olmasa da olar)
• İlan balığı sousu 1 x.q. (əvəzinə doşab və ya narşərab uyğundur)
• Yaşıl soğan
• Nori

Hazırlanma qaydası

1. 1.Düyünü soyuq suda yuyub su tam şəffaf olana qədər təmizləyirik.
2. 2.Hər 100 q düyüyə 110 q su əlavə edib qalın dibli qazanda bişiririk: əvvəlcə orta odda qaynamasını gözləyirik, sonra odu minimuma endirib qapağı bağlı şəkildə 15 dəqiqə bişiririk.
3. 3.Odu söndürüb daha 15 dəqiqə dəm almasına qoyuruq. Qapağı açmayın.
4. 4.Sirkə, şəkər tozu və duzu ayrıca qabda həll edirik (tam həll olmursa azca isidə bilərsiniz).
5. 5.Hazır qarışığı bişmiş düyünün üzərinə əlavə edib asta qarışdırırıq.
6. 6.Qızıl balığı duz, istiot və bir az yağ ilə 180 dərəcədə 15 dəqiqə bişiririk.
7. 7.Bişdikdən sonra əzib içərisinə mayonez, sriracha, ilan balığı sousu və krem-pendir əlavə edib qarışdırırıq. Soya soussuz yeyəcəksinizsə dadına baxıb duzu tənzimləyin.
8. 8.Sobaya davamlı qaba təxminən 1 sm qalınlığında düyü yayırıq, üzərinə balıq qarışığını çəkirik.
9. 9.180 dərəcədə üstü yüngül qızarana qədər bişiririk.
10. 10.Sonda üzərinə bir az ilan balığı sousu əlavə edib xırda doğranmış yaşıl soğan səpirik. Nori ilə birlikdə yeyilir.