Qluxar Yuvası Salatı

Sovet dövründə məşhur olan "Qluxar yuvası" salatı. Bu salat Yeni il süfrəsində öz yerini tam haqq edir.

Ərzaqlar

• Toyuq filesi 200 q
• Mayonez Sloboda 3-4 x.q.
• Şüyüd 0.5 dəstə
• Xiyar 1 əd
• Yumurta 3 əd
• Qarğıdalı 100 q
• Kartof 2 əd
• Qırmızı soğan 0.5 əd
• Alma sirkəsi 0.5 x.q.
• Şəkər tozu 0.5 ç.q.
• Duz, qara istiot, bitki yağı

Hazırlanma qaydası

1. 1.Kartofu nazik sürtgəcdən (Koreya sürtgəcindən) keçirib yaxşıca yuyur, qurudur və bitki yağında qızılı rəng alana qədər qızardırıq.
2. 2.Soğanı xırda doğrayırıq, üzərinə duz, şəkər, alma sirkəsi və az su əlavə edib marinə edirik.
3. 3.Yumurtaların sarısını ayırırıq, üzərinə duz, qara istiot, mayonez və şüyüd əlavə edib qarışdırırıq, xırda yumurtalar formasında hazırlayırıq – bunlar salatın bəzəyi olacaq.
4. 4.Bir qabda qaynadılmış toyuq filesi, doğranmış xiyar, qarğıdalı, yumurta ağı, marinad edilmiş soğan (suyu süzülmüş), azca duz, istiot və mayonezi qarışdırırıq.
5. 5.Salatı boşqaba yığırıq, üzərini kartof ilə “yuva” formasında örtürük, ortasında çökəklik açıb yumurta kürəciklərini yerləşdiririk.