Sarımsaqlı Pendir Çörək

Tələbələr üçün tez və rahat hazırlanan, çox dadlı bir resept!

Ərzaqlar

• Zavod çörəyi 1 əd (başqa çörək də olar)
• Holland pendiri 100 q
• Mozzarella pendiri 100 q
• Kərə yağı 50 q
• Süd 50 q
• Sarımsaq 3 diş
• Cəfəri 1 dəstə (digər göyərti də olar)
• Duz, qara istiot
• Tomat sousu (zövqə görə)

Hazırlanma qaydası

1. 1.Çörəyin üstünü kəsib, içliyini çıxardırıq (içliyini tullamırıq, digər yeməklərdə istifadə edə bilərsiniz).
2. 2.Pendiri, göyərtini və sarımsağı doğrayırıq. Bir qaba kərə yağı, süd, duz və istiot əlavə edib hamısını qarışdırırıq.
3. 3.Çörəyin içinə zövqə görə tomat pastası çəkirik, sonra hazırladığımız qarışımı əlavə edirik.
4. 4.Sobada 200 dərəcədə 10-15 dəqiqə ərzində pendir əriyənə kimi bişiririk.