Düzünü desəm, badımcan kotletlərin belə dadlı olacağını gözləmirdim! Vegetarian olsaydım bu bəlkə də ən sevdiyim yemək olardı. Hətta dostlarım da şokda idi dadından. Mütləq hamı sınamalıdır.
Ərzaqlar
Hazırlanma qaydası
- 1.Badımcanları deşib 20 dəqiqə əvvəlcədən 180 dərəcə qızdırılmış sobada bişiririk, sonra soyudub dərisini soyuruq və xırda doğrayırıq.
- 2.Pomidorun qabığını soyub, suyunu sıxırıq və xırda doğrayırıq.
- 3.Göyərtini kağız dəsmalla qurudub xırda doğrayırıq. Soğanla sarımsağı xırda doğrayırıq, pendiri də sürtgəcdən keçiririk.
- 4.Bütün doğranmış ərzaqları bir qaba yığırıq. Üzərinə 1 yumurta, duz, istiot və manna yarması əlavə edib qarışdırırıq.
- 5.Kotletlər düzəldib una batırırıq və isti yağda orta odda hər tərəfdən qızardırıq. Sonra qapağı örtülü şəkildə 5-6 dəqiqə bişiririk.
- 6.Hazır olandan sonra kotletləri kağız dəsmalın üzərinə yığırıq ki, artıq yağı çəkilsin və yağda qalan yanmış unun dadı gəlməsin.
Qeydlər
- Badımcanın suyu varsa doğramamışdan qabaq suyunu mütləq sıxın.
- Pomidorun da mümkün qədər suyunu sıxmaq lazımdır.
- Kotletlər çiy halda bir az sulu alınacaq, buna görə narahat olmayın. Bir az qızaran kimi yumurta və manna yarması kotletləri bərkidəcək.