Beyti Kebab

Ərzaqlar

• Yağlı dana əti 500 q (2 roll üçün)
• Orta boy soğan 1 əd
• Qırmızı şirin bibər 1 əd
• Cəfəri 1 dəstə
• Duz 1 ç.q.
• Qara istiot 0.5 ç.q.
• Paprika 1 ç.q.
• Cirə 0.5 ç.q.
• Pul bibər 0.5 ç.q. (zövqə görə)
• Sarımsaq tozu 1 ç.q. (və ya 1 diş təzə sarımsaq)
• Böreklik yufka 10 əd (2 roll üçün, 1 yufkanın eni 40 sm, və ya 2 əd adi böyük lavaş)
• Tomat pastası 1 x.q.
• Su (tomat pastasını durultmaq üçün)
• Xırda pomidor 4-5 əd
• Acı bibər 3 əd

Üzəri üçün

• Qatıq
• Əzilmiş sarımsaq 1 diş
• Kərə yağı
• Paprika tozu

Hazırlanma qaydası

1. 1.Ət yağlı olmalıdır (yağsızdırsa 400 q mal ətinə 100 q quyruq əlavə edin). Əti maşından keçirin. Tərəvəzləri xırda doğrayıb ədviyyatlarla birlikdə qiyməyə əlavə edin və yaxşıca yoğurun.
2. 2.Yufkaları hazırlayın. Börek yufkası istifadə edirsinizsə, çox nazik olduğu üçün 5 ədədini üst-üstə qoyun (və ya 1 ədəd iri lavaşdan istifadə edin).
3. 3.Tomat pastasını bir az su ilə durulaşdırıb yufkanın üzərinə çəkin.
4. 4.Yufkanın kənarına qiyməni uzunsov formada yerləşdirib rulo şəklində bükün.
5. 5.Rolları dilimləyib dibi yağlanmış soba qabına düzün. Kənarlarına xırda pomidor və acı bibər əlavə edin.
6. 6.Əvvəlcədən 180 dərəcə qızdırılmış sobada (orta səviyyədə) 30-40 dəqiqə bişirin.
7. 7.Sobadan çıxardıqdan sonra üzərinə sarımsaqlı qatıq və içində paprika qızdırılmış əridilmiş kərə yağı gəzdirin.