Kimçi

Bu dadı ilk dəfə Cənubi Koreya səfərimdə kəşf etmişdim. Ərzaqları oradan gətirmişəm, amma istəsəniz, yerli məhsullarla da eyni ləzzəti əldə edə bilərsiniz.

Ərzaqlar

• Pekin kələmi 2 əd (təxminən 2400 q)
• Duz iri 300 q (200 q rassol üçün, 100 q yarpaq arası üçün)
• Su 5 l

İçlik üçün

• Kök 1 əd (orta)
• Daykon turp 250 q
• Yaşıl soğan və ya kəvər 100 q

Sıyıq üçün

• Su 2 stəkan
• Düyü unu 2-3 x.q.

Sous üçün

• Armud 1 əd (orta)
• Alma (şirin-turş) 1 əd (orta)
• Zəncəfil 20 q
• Soğan 0.5 əd
• Sarımsaq 10 diş
• Qoçuqaru bibər tozu 100 q
• Balıq sousu və ya xırda krevetlər 4 x.q. (ikisini də birlikdə istifadə edə bilərsiniz)

Hazırlanma qaydası

1. 1.Pekin kələmini uzununa iki hissəyə bölün (tam ayırmadan).
2. 2.5 l soyuq suya 200 q duz əlavə edib qarışdırın, kələmləri bu suya 2–3 dəqiqə salın.
3. 3.Sonra hər yarpağın arasına qalan 100 q duzu səpin, 6–7 saat saxlayın, ortasında çevirin.
4. 4.Sonra kələmi 2–3 dəfə soyuq suda yuyub dadına baxın, duzu çoxdursa, bir az təmiz suda saxlayın. Duzu uyğun olduqda 1 saat süzülməyə qoyun.
5. 5.Düyü ununu su ilə qarışdırıb qatılaşana qədər bişirin, soyudun.
6. 6.Alma, armud, soğan, sarımsaq və zəncəfili blenderdə püre halına gətirib soyumuş sıyıqla birləşdirin.
7. 7.Qoçuqaru bibər tozu, balıq sousu və ya xırda krevet (və ya hər ikisi) əlavə edin, qarışdırın — qalın, ətirli sous alınacaq.
8. 8.Daykon, kök və yaşıl soğanı əlavə edib qarışdırın.
9. 9.Sousu hər kələm yarpağına çəkin, kələmi büküb qapalı qaba yerləşdirin.
10. 10.Otaq temperaturunda 2–3 gün fermentasiya edin, sonra soyuducuya qoyun. 2–3 həftəyə kimçi hazır olacaq — turş, ətirli və balanslı dadla.