Mimoza Salatı

Mimoza salatı o yeməklərdəndir ki, hər ailədə bir cür hazırlayırlar.

Mayonez üçün

• Limon şirəsi 1 x.q.
• Duz 1/3 ç.q.
• Şəkər 1/2 ç.q.
• Xardal 1 ç.q.
• Yumurta 1 əd.
• Günəbaxan yağı 150 ml

Salat üçün

• Kartof (orta) 2 əd.
• Balıq konservi (şprot, qorbuşa, sayra və ya qızılbalıq)
• Soğan (xırda) 1 əd.
• Kök 2 əd.
• Yumurta 4 əd.
• Şüyüd
• Duz

Hazırlanma qaydası

1. 1.Mayonez hazırlamaq üçün limon şirəsi, duz, şəkər, xardal, yumurta və günəbaxan yağını blenderlə qatılaşana qədər çalın.
2. 2.Tərəvəzləri və yumurtaları qaynadıb sürtgəcdən keçirin.
3. 3.Salatı qat-qat yığın: sürtgəcdən keçirilmiş kartof, duz.
4. 4.Mayonez çəkin.
5. 5.Əzilmiş balıq konservini əlavə edin.
6. 6.Xırda doğranmış soğanı yayın.
7. 7.Mayonez çəkin.
8. 8.Sürtgəcdən keçirilmiş kökü əlavə edin.
9. 9.Mayonez çəkin.
10. 10.Rəndələnmiş yumurtanın ağını yayın.
11. 11.Üzərinə ovulmuş yumurtanın sarısını səpin.
12. 12.Şüyüdlə bəzəyib servis edin.