Kütüm Ləvəngisi

Ərzaqlar

• Kütüm balığı 2 əd.
• Qoz ləpəsi 250 q
• Qırmızı soğan 5-6 əd.
• Kərə yağı 50 q
• Alça turşusu (palçıq)
• Duz 1 ç.q.
• İstiot 1/2 ç.q.
• Cuna

Hazırlanma qaydası

1. 1.Balıqların içini təmizləyin (pulcuqlarını saxlayın), əgər kürüsü varsa, pərdəsini təmizləyib kənara qoyun.
2. 2.Balıqları yuyub yaxşıca qurulayın. 1 x.q. alça turşusu, 1 x.q. duz və 1 ç.q. istiotu qarışdırıb balığın içinə və hər tərəfinə çəkin, dadını çəkməsi üçün 2-3 saat saxlayın.
3. 3.Ləvəngi üçün qozu ətçəkən maşından keçirin. Ayrı bir qaba soğanları çəkib cuna vasitəsilə suyunu yaxşıca sıxın.
4. 4.Sıxılmış soğanı çəkilmiş qoza qatın, duz, istiot, kərə yağı və 2-3 ç.q. alça turşusu əlavə edib qarışdırın. İstəyə görə təmizlənmiş kürünü də bu qarışığa əlavə edin.
5. 5.Hazır ləvəngini balıqların içinə doldurun.
6. 6.Əvvəlcədən 180 dərəcə qızdırılmış sobada təxminən 1 saat (üzəri qızarana kimi) bişirin.

Qeydlər

• Əgər ləvəngiyə kürü əlavə edəcəksinizsə, duzu əvvəlcədən az vurun, çünki kürü özü duzlu olur.
• Turşunun duru deyil, qatı ("palçıq" turşusu) olması tövsiyə edilir.