Qoz Küftəsi

Çoxlarının heç adını belə eşitmədiyi, Ordubadın unudulan yeməyi.

Ərzaqlar

• Təmizlənmiş qoz (cəviz) 500 q (5 nəfərlik)
• Yumurta 4 əd.
• Soğan 2 əd. (1-i qızartmaq, 1-i küftə üçün)
• Yumru düyü 50 q
• Kərə yağı 50 q
• Cəfəri
• Nanə
• Tomat pastası 1 x.q.
• Sarıkök, duz, qara istiot

Hazırlanma qaydası

1. 1.Düyünü suda yumşalana kimi saxlayırıq.
2. 2.Qozu ətçəkən maşından keçiririk. Göyərtini və 1 ədəd soğanı xırda doğrayırıq. Bunları bir qaba əlavə edib üzərinə yumurta, isladılmış düyü, duz, qara istiot və sarıkök tökərək yaxşıca yoğururuq və küftələr formalaşdırırıq.
3. 3.Digər soğanı xırda doğrayıb kərə yağında qovururuq və tomat pastası əlavə edirik.
4. 4.Üzərinə su əlavə edib qaynamasını gözləyirik.
5. 5.Su qaynayanda küftələri əlavə edib 15-20 dəqiqə orta odda bişiririk. Nuş olsun!