Toyuq Qızartması

Ərzaqlar

• Toyuq budu 1 kq
• Kartof 2-3 əd
• Sunpalermo qarğıdalı yağı
• Un 1 x.q.
• Qarğıdalı nişastası 1 x.q.
• Sarımsaq 1 diş
• Yumurta 1 əd
• Üyüdülmüş keşniş toxumu 1/2 ç.q.
• Sarıkök 1/2 ç.q.
• 1/2 limonun suyu
• Duz
• İstiot

Hazırlanma qaydası

1. 1.Toyuq budlarını yuyub qurudun, üzərinə üyüdülmüş keşniş toxumu, duz, istiot, sarıkök və limon suyu əlavə edib qarışdırın, 1-2 saat kənarda saxlayın.
2. 2.Kartofun qabığını soyub soyuq suda saxlayın.
3. 3.Ayrı bir qabda yumurtaya un və nişasta əlavə edib yaxşıca qarışdırın, toyuğun üzərinə tökün və 1 diş sarımsağı sürtgəcdən keçirib əlavə edin.
4. 4.Tavada yağı qızdırıb toyuqları əlavə edin və zəif odda təxminən 1 saat qızardın.
5. 5.Toyuqları çıxardıqdan sonra eyni yağda kartofları qızardın.