Acikiani

Acikiani - gürcü mətbəxinin ətirli, yüngül acılı və ləzzətli təamlarından biridir.

Ərzaqlar

• Toyuq və ya hinduşka əti 1 kq
• Soğan 300 q
• Gürcü acikası 3 x.q.
• Pomidor 250 q
• Sarımsaq 4 diş
• Cəfəri 1 dəstə
• Keşniş 1 dəstə
• Pendir (Suluquni və ya digər Holland pendiri) zövqə görə
• Bitki yağı
• Duz
• Qara istiot

Hazırlanma qaydası

1. 1.Hinduşka filesini uzunsov şəkildə doğrayırıq.
2. 2.Orta odda qızdırılmış tavaya bitki yağı əlavə edib qızmasını gözləyirik.
3. 3.Sonra fileni tavaya az-az əlavə edirik ki, tavanın temperaturu düşməsin və ət suyunu buraxmasın.
4. 4.Bir qədər qovurduqdan sonra duz və soğan əlavə edirik.
5. 5.Soğan şəffaflaşdıqdan sonra acika və sürtgəcdən keçirilmiş pomidoru əlavə edib qarışdırırıq.
6. 6.Ardınca cəfəri və sarımsağı əlavə edib 5 dəqiqə bişiririk.
7. 7.Sonda rəndələnmiş pendiri üzərinə əlavə edir, tavanın qapağını bağlayır və pendirin əriməsini gözləyirik. Nuş olsun!