Avar Xəngəli

Ərzaqlar

• Sümüklü dana əti (qabırğa) 1.5 kq
• Orta kartof 0.8 kq
• Su 3 l
• Duz 1 x.q.

Xəmir üçün

• Un 800 q
• Ev qatığı 0.5 l
• Soda 2 ç.q. (natamam)
• Duz 1 ç.q.
• Yumurta 1 əd

Tomat sousu üçün

• Pomidor 2 əd
• Bitki yağı 3 x.q.
• Duz 1 ç.q.
• Bulyon 1 x.q.
• Sarımsaq 3 diş

Xama sousu üçün

• Xama 3 x.q.
• Sarımsaq 3 diş

Hazırlanma qaydası

1. 1.Əti yuyub soyuq suya qoyaraq qaynamağa qoyun, köpüyünü yığın və vam odda qapağı bağlı şəkildə 1.5 saat bişirin.
2. 2.Bişmiş əti bulyondan çıxarıb zövqə görə sümüklərdən ayırın. Bulyonu süzgəcdən keçirib yenidən ətlə birlikdə qazana əlavə edin.
3. 3.Bulyon qaynayanda kartof və 1 x.q. duz əlavə edib kartof bişənədək (təxminən 20 dəqiqə) qaynadın, sonra kartofla əti bulyondan çıxarın.
4. 4.Tomat sousu üçün pomidorları sürtgəcdən keçirib bitki yağında yağa düşənə qədər bişirin; əzilmiş sarımsaq, duz və bulyon əlavə edib qarışdırın.
5. 5.Xama sousu üçün xamaya əzilmiş sarımsaq əlavə edib qarışdırın.
6. 6.Xəmir üçün qabda qatıq, duz, soda və yumurtanı qarışdırın, ələnmiş una əlavə edib xəmir yoğurun. Üzərinə sellofan çəkib 10 dəqiqə dincəldin.
7. 7.Ət və kartofu çıxardıqdan sonra bulyona bir az qaynar su əlavə edib qaynadın.
8. 8.Xəmiri 2 hissəyə bölüb 1.5 sm qalınlığında yayın və romb şəklində kəsin.
9. 9.Xəngəlləri qaynayan bulyona atıb qapağı bağlı şəkildə 4–5 dəqiqə qaynadın (arada 1-2 dəfə qarışdırın).
10. 10.Bişmiş xəngəlləri çıxaran kimi dərhal kürdanla deşin ki, qaralmasın və formasını saxlasın.
11. 11.Xəngəli ət, kartof, souslar və isti bulyon ilə birlikdə süfrəyə verin.

Qeydlər

• Xəmiri ət hazır olmamışdan 30 dəqiqə əvvəl hazırlamaq tövsiyə olunur.
• Xəngəlləri bulyondan çıxaran kimi dərhal kürdanla deşmək vacibdir, əks halda bərkiyər və tündləşər.