Türk Pastası

Çox dadlıdır, hər kəsə yoxlamağa tövsiyə edirəm! 2-3 pors üçün nəzərdə tutulub.

Ərzaqlar

• Dana qiyməsi 400 q
• Tomat pastası 1 x.q.
• Soğan iri 1 əd
• Bitki yağı 2 x.q.
• Pasta (makaron, spagetti) 500-600 q
• Kərə yağı 100 q
• Paprika 1 ç.q.
• Qatıq 200 q
• Sarımsaq 2-3 diş
• Cəfəri 1 dəstə
• Pomidor (çeri olsa əla olar) 100 q
• Cirə 1 ç.q.
• Duz, qara istiot

Hazırlanma qaydası

1. 1.Dana qiyməsini bitki yağında qovururuq. Ət yarıbişmiş halına çatanda xırda rəndələnmiş soğanı, tomat pastasını, zövqə görə duz, qara istiot və cirə əlavə edib ət tam bişənə kimi qovururuq.
2. 2.2 litr qaynayan suya 2 ç.q. duz əlavə edib makaronları 10 dəqiqə hərdən qarışdıraraq qaynadırıq.
3. 3.Kərə yağını vam odda əridib paprika ilə bir az qovururuq.
4. 4.Qatığa duz və əzilmiş sarımsaq əlavə edib qarışdırırıq.
5. 5.Sonda boşqaba ardıcıllıqla makaron, sarımsaqlı qatıq, paprikalı kərə yağının yarısı, qovrulmuş qiymə, doğranmış cəfəri, pomidor və kərə yağının ikinci yarısını əlavə edib servis edirik. Nuş olsun!