Pasta Alla Genovese

Pasta alla Genovese - bu pastanı İtaliyanın Neapol şəhərində daddıqdan sonra o, ən sevdiyim pastalardan birinə çevrildi. Adına baxmayaraq, bu pastanın Genuya şəhəri ilə heç bir əlaqəsi yoxdur - o, əslində, Neapolun ənənəvi ev yeməklərindən biridir. Əsas sirri sadədir: minimum ərzaq, amma saatlarla səbirlə bişirilən soğan. Ət deyil, məhz soğan bu yeməyin ürəyidir - o qədər uzun müddət bişirilir ki, tamamilə əriyib qatı, şirin və zəngin bir sousa çevrilir.

Ərzaqlar

• Dana əti sümüksüz 500 q (bel hissəsi olsa əla olar)
• Ağ soğan 2 kq
• Zeytun yağı 4 x.q.
• Dəfnə yarpağı 2 əd.
• Parmezan pendiri (Parmigiano Reggiano) 50 q
• Pasta 500 q (orijinalda ziti, zitoni və ya rigatoni olmalıdır, amma siz istədiyiniz pasta növündən istifadə edə bilərsiniz)
• Duz
• Qara istiot

Hazırlanma qaydası

1. 1.Soğanları soyub mümkün qədər nazik doğrayın - ən uzun mərhələ budur, amma bişdikcə həcmi bir neçə dəfə azalır. Ət doğranmır, bütöv parçalarla bişirilir.
2. 2.Qalın dibli qazana zeytun yağını tökün, soğanı, dəfnə yarpağını, duz və istiotu əlavə edin, üzərinə duzlanıb istiotlanmış əti qoyun. Duzu ehtiyatla vurun: soğanın həcmi azalacaq, sonda dada görə tənzimləyərsiniz.
3. 3.Qapağı örtüb ən aşağı odda 4-5 saat bişirin, hər 20-30 dəqiqədən bir qarışdırın. Soğan öz suyunu buraxdığı üçün su lazım deyil; çox quruyarsa, bir-iki xörək qaşığı isti su əlavə edin. Hazır sous tünd qızılı-qəhvəyi və mürəbbə kimi qatı olmalıdır.
4. 4.Dəfnə yarpaqlarını çıxarın, əti çəngəllə lifə ayırıb sousa qaytarın, duz-istiotu tənzimləyin.
5. 5.Pastanı duzlu suda paketdə yazılandan 1-2 dəqiqə az bişirin, süzmədən əvvəl bir stəkan suyunu saxlayın. Pastanı sousa əlavə edib 1-2 dəqiqə qarışdıraraq bişirin, lazım olsa bir az pasta suyu əlavə edin.
6. 6.Odu söndürün, narın parmezan səpib qarışdırın və dərhal süfrəyə verin.

Qeydlər

• Bir gün əvvəldən hazırlasanız daha yaxşıdır - yenidən qızdırılanda dadı dərinləşir.