Tərəvəz Kremli Pasta

Uşaqlar tərəvəzlərə yox deyirsə, bu makaron sousu əla seçimdir – tərəvəzlər sousun içində gizlənir, dadı isə uşaqların sevdiyi kremli teksturada qalır.

Ərzaqlar

• Pomidor 4 əd.
• Qırmızı bibər 1 əd.
• Şirin bibər 1 əd.
• Sarımsaq 1 baş
• Qırmızı soğan 1 əd.
• Kök 1 əd. (iri)
• Pasta (makaron) 500 q
• Qaymaq 10-20% 200 ml
• Zeytun yağı
• Şəkər tozu 0.5 ç.q.
• Duz
• Qara istiot
• Yaşıl reyhan
• Pendir (zövqə görə)

Hazırlanma qaydası

1. 1.Tərəvəzləri təmizləyib doğrayın və bişirmə kağızı sərilmiş siniyə düzün.
2. 2.Üzərinə duz və zeytun yağı əlavə edib qarışdırın.
3. 3.Əvvəlcədən 180°C dərəcədə qızdırılmış sobada 40 dəqiqə ərzində bişirin və soyumağa qoyun.
4. 4.Bişmiş tərəvəzləri blenderin qabına yığın, sarımsağın isə qabığını sıxaraq yalnız iç hissəsini əlavə edin.
5. 5.Tərəvəzlərin üzərinə qaymaq, duz, şəkər tozu və qara istiot əlavə edib tam krem halına gələnə qədər blenderdən keçirin.
6. 6.Pastanı qaynar duzlu suya töküb paketdə göstərilən vaxt ərzində bişirin və süzün.
7. 7.Tavaya bir az zeytun yağı, hazırladığınız sousu və süzülmüş pastanı əlavə edib qarışdırın.
8. 8.Qapağı bağlı şəkildə vam odda 5-10 dəqiqə bişirin.
9. 9.Üzərinə təzə yaşıl reyhan və istəyə görə rəndələnmiş pendir əlavə edib servis edin.

Qeydlər

• Sarımsağın qabığının kremə düşməməsi üçün onu bişdikdən sonra içindən sıxaraq əlavə edin.
• Şəkər tozu pomidorun artıq turşuluğunu tarazlamaq üçün istifadə olunur.