Cacio e Pepe

Bu gün sizinlə cəmi 3 inqrediyentdən ibarət olan Romanın qədimi spagetti reseptini bölüşmək istəyirəm - Cacio e Pepe (Pendir və Qara İstiot). Tələbə vaxtı ən çox hazırladığım reseptlərdən biri idi.

Ərzaqlar

• Spagetti (n.5) 320 q
• Pecorino Romano pendiri 200 q
• Qara istiot 5 q

Hazırlanma qaydası

1. 1.Tavada üyüdülmüş qara istiotu qızdıran zaman spagettini artıq qaynayan suya əlavə edib bişirin.
2. 2.Az sonra spagettinin suyundan istiota əlavə edib bir az bişirin.
3. 3.Spagetti tam hazır olmamışdan 3 dəqiqə qabaq istiota qatın və lazım olduqca suyundan əlavə edib qarışdırın.
4. 4.Spagetti bişirilən zaman pendiri az-az əlavə edib krem halına gətirin.
5. 5.4-5 dəqiqədən sonra spagetti hazır olmalıdır. Nuş olsun!

Qeydlər

• Pecorino Romano pendirini tapmasanız, Parmigiano Reggiano (Parmezan) və ya Grana Padano istifadə edə bilərsiniz. Çalışın keyfiyyətli pendir tapasınız.
• Qara istiotu yeməyə qatmamışdan qabaq üyüdsəniz daha ətirli olacaq.
• Spagettinin bişmə vaxtı qablaşdırmanın üzərində yazılmalıdır, keyfiyyətli spagetti istifadə etmək lazımdır.