Çikaqo Üslubunda Pizza

Ərzaqlar

• Un 600 q
• Su 350 ml
• Duz 15 q
• Quru maya 1 q
• Şəkər 10 q
• Zeytun yağı 20 ml
• Kərə yağı 30 q
• Mozzarella pendiri 600 q
• Sosiska 100 q
• Tomat püresi 400 q (suyu süzülmüş)

Hazırlanma qaydası

1. 1.Mayanı una qatıb qarışdırırıq, ayrı qabda isə duzu suda həll edirik.
2. 2.Suyu una az-az əlavə edib yoğururuq. Xəmir konsistensiyası alındıqdan sonra şəkər və zeytun yağı əlavə edib 20 dəqiqə yoğururuq.
3. 3.Xəmiri yoğurduqdan sonra üstünü örtüb 1 saat gözləyirik.
4. 4.Xəmiri 2 hissəyə bölürük: alt qat üçün xəmirin 3/4 hissəsi, üst qat üçün isə 1/4 hissəsi.
5. 5.Tavaya kərə yağı sürtürük, xəmiri yayıb tavaya yerləşdiririk.
6. 6.Üzərinə rəndələnmiş pendir əlavə edib ikinci xəmir qatını qoyuruq. Xəmirin kənarlarını barmaqlarınızla sıxın və üzərində iri deşiklər açın ki, pizza bişəndə şişməsin.
7. 7.Üzərinə tomat püresi əlavə edib əvvəlcədən 240 dərəcədə qızdırılmış sobada 10 dəqiqə bişiririk.
8. 8.Pizzanı 180 dərəcə fırladıb əlavə 10 dəqiqə bişiririk.
9. 9.Sonda üzərinə sosiska əlavə edib daha 5 dəqiqə bişiririk.

Qeydlər

• Duz maya ilə birbaşa təmasda olmamalıdır, çünki bu, mayanı məhv edə bilər.