Ürək Formalı Pizza

Ev üsulu dadlı ürək formalı pizza resepti.

Ərzaqlar

Xəmir üçün

• 800 q un
• 0,5 l su
• 25 q duz
• 1 q quru maya
• 10 q şəkər
• 25 q zeytun yağı

İçlik üçün

• 200 q konservləşdirilmiş (soyulmuş) pomidor
• 300 q mozzarella pendiri
• 100 q qauda pendiri
• 100 q kolbasa
• 1 dəstə yaşıl (və ya adi) reyhan
• Zeytun yağı (zövqə görə)

Hazırlanma qaydası

1. 1.Unu dərin qaba tökərək quru maya ilə qarışdırın.
2. 2.Başqa qabda duzu soyuq suda həll edin və unun böyük hissəsini duzlu suya əlavə edərək qarışdırın.
3. 3.Yumşaq xəmir halına gələnə kimi un əlavə edin.
4. 4.Ardınca şəkər və zeytun yağını töküb təxminən 20 dəqiqə yaxşıca yoğurun.
5. 5.Xəmiri örtüb 20 dəqiqə gözlədin, sonra 4-6 hissəyə bölüb kündələyin, yenidən örtün və 6-8 saat dinlənməyə qoyun.
6. 6.Xəmiri (istədiyiniz formada) bişirmə kağızının üzərində əlinizlə açın.
7. 7.Pomidoru əzib sous halına salın, xəmiri onunla örtün, sonra pendiri düzün və kolbasa əlavə edin.
8. 8.Sobanızı maksimum dərəcəyə qədər (təxminən 275°C) qızdırın. Pizzanı bişirmə kağızı ilə birlikdə əvvəlcədən qızdırılmış soba listinin üstünə qoyun və xəmir hazır olana kimi bişirin (275 dərəcədə təxminən 10 dəqiqə).

Qeydlər

• Duz maya ilə birbaşa təmasda olmamalıdır, çünki bu, mayanı məhv edə bilər.