Diyetik Çeburek

Sobada rahat və çox dadlı diyetik çeburek. Bir çeburekdə 35 q protein olduğu halda cəmi 390 kkal! (12 ədəd üçün)

Ərzaqlar

• Toyuq filesi 1 kq
• Soğan 300 q (3 ədəd orta)
• Duz 2 ç.q.
• Qara istiot 1 ç.q.
• Su 50 ml
• Yağsız Mozzarella light pendiri 500 q
• Yumurta sarısı 6 ədəd
• Qalın lavaş (tortilla) 12 ədəd
• Ağ küncüt

Hazırlanma qaydası

1. 1.Toyuğu blenderdən və ya ətçəkəndən keçiririk.
2. 2.Soğanı xırda doğrayırıq, ətə əlavə edib üzərinə duz, qara istiot və bir az su tökərək yaxşıca yoğururuq.
3. 3.Yumurtanın sarısını ağından ayırırıq (lavaşı yapışdırmaq və üzərinə çəkmək üçün istifadə edəcəyik).
4. 4.Hər lavaşa təxminən 3 dolu xörək qaşığı hazırladığımız qiymədən əlavə edib üzərinə sürtgəcdən keçirilmiş pendir səpirik.
5. 5.Lavaşın qıraqlarını yumurtanın sarısı ilə sürtüb bağlayırıq. Qıraqları çəngəllə sıxırıq ki, bişəndə açılmasın.
6. 6.Üzərinə yumurtanın sarısını sürtüb küncüt səpirik.
7. 7.Əvvəlcədən 190 dərəcə qızdırılmış sobada orta rəfdə ən azı 18 dəqiqə (üstü qızarana qədər) bişiririk.

Qeydlər

• Ətin daha yağlı olmasını istəyirsinizsə, file əvəzinə toyuğun bud ətindən də istifadə edə bilərsiniz, lakin bu zaman yemək çox da diyetik olmayacaq.
• Lavaşı qalın seçməyə çalışın (məsələn, tortilla), çünki nazik lavaş həm cırıla, həm də yana bilər.
• Bişmə müddətində içi tam bişəcək, narahat olmayın.