Sizinlə əsl ənənəvi Şəki Pitisinin hazırlanmasını paylaşıram. Aşağıdakı ərzaqlar 1 dopu (gil qab) üçündür.
Ərzaqlar
Hazırlanma qaydası
- 1.Noxudu gecədən suda saxlayırıq.
- 2.Əti doğrayıb yarım saat soyuq suda saxlayırıq.
- 3.Ardıcıllıqla çiy noxud, ət, quyruq, duz və soyuq su dopunun içinə əlavə olunur və gur odda qaynadılır. Suyu natamam əlavə edin ki, qaynayanda daşmasın.
- 4.Gur od kəfin tez gəlməsi və rahat təmizlənməsi üçün lazımdır, əks halda kəf dibə gedib pitiyə qarışa bilər. Kəf gələn kimi təmizləmək vacibdir.
- 5.Kəfini alandan sonra od azaldılır, iki qaşıq xırda doğranılmış soğan əlavə edilir və 6-7 saat ərzində qapağı bağlı şəkildə bişirilir (dopunun qapağında kiçik bir dəlik olmalıdır).
- 6.Su azaldıqca qaynar su əlavə etmək vacibdir.
- 7.6-7 saat keçdikdən sonra şabalıd, gavalı turşusu və dəmlənmiş zəfəran əlavə edilir.
- 8.Yarım saat qaynayandan sonra hazırdır. Piti sumax, çörək və soğanla yeyilir. Nuş olsun!
Qeydlər
- Gil qabları (dopuları) ilk istifadədən qabaq quyruqda qaynatmaq lazımdır, çünki dopu yağa doymuş olmalıdır.