Şəki Pitisi

Əsl ənənəvi Şəki pitisinin hazırlanma qaydası.

1 dopu üçün ərzaqlar

• Sümüksüz quzu əti 100 q
• Ərkək quyruğu 50 q
• Noxud (şişmiş halda) 100 ml
• Duz 0.5 ç.q.
• Şabalıd 2 əd.
• Gavalı turşusu 1 əd.
• Zəfəran dəmi 2 ç.q.
• Soğan
• Sumax

Hazırlanma qaydası

1. 1.Noxudu gecədən suda saxlayın.
2. 2.Əti doğrayıb yarım saat soyuq suda saxlayın.
3. 3.Dopunun içinə ardıcıllıqla çiy noxud, ət, quyruq, duz və soyuq su əlavə edin (daşmaması üçün suyu natamam tökün) və gur odda qaynadın.
4. 4.Qaynayan kimi üzərinə yığılan kəfi diqqətlə və tamamilə təmizləyin.
5. 5.Kəfini aldıqdan sonra odu azaldın, 2 xörək qaşığı xırda doğranmış soğan əlavə edin və qapağı bağlı şəkildə 6–7 saat bişirin (dopunun qapağında kiçik dəlik olmalıdır).
6. 6.Bişmə müddətində su azaldıqca üzərinə qaynar su əlavə edin.
7. 7.6–7 saat keçdikdən sonra şabalıd, gavalı turşusu və dəmlənmiş zəfəranı əlavə edin.
8. 8.Yarım saat daha qaynatdıqdan sonra piti hazırdır. Yanında sumax, soğan və çörəklə servis edin.

Qeydlər

• Dopunu ilk istifadədən qabaq quyruq yağında qaynatmaq lazımdır ki, gil yağa doysun.
• Gur od kəfin tez üzə çıxması və rahat təmizlənməsi üçün vacibdir, əks halda kəf dibə çöküb yeməyə qarışa bilər.