Əzmə Tako (Smash Taco)

Ərzaqlar

• Tortilla (lavaş) 3-5 əd
• Dana qiyməsi 500 q
• Bonduelle qarğıdalı 100 q
• Qırmızı soğan 1 əd
• İri pomidor 1 əd
• Çeddar pendiri 50 q
• Zeytun yağı 50 ml
• Mayonez 2 x.q.
• Xardal 1 ç.q.
• Duz 1/2 ç.q.
• Qara istiot 1/3 ç.q.
• Paprika tozu 1 ç.q.

Hazırlanma qaydası

1. 1.Qiyməyə duz və qara istiot əlavə edib nazik qatla tortillanın üzərinə yayırıq.
2. 2.Qızğın tavada zeytun yağında əvvəlcə ət tərəfini təxminən 4–5 dəqiqə qızardırıq.
3. 3.Sonra çevirib tortilla tərəfini 3–4 dəqiqə bişiririk. Bu zaman odun gücünü azaltmaq lazımdır ki, tortilla yanmasın.
4. 4.Üzərinə çeddar pendiri əlavə edib ətin tam bişməsini gözləyirik.
5. 5.Qarğıdalı sousunu hazırlamaq üçün qarğıdalı, mayonez, xardal, duz, qara istiot və paprika tozunu qarışdırırıq.
6. 6.Bişdikdən sonra takonun üzərinə doğranmış tərəvəzləri (soğan və pomidor) və hazır qarğıdalı sousunu əlavə edib nuş edirik.