Kartof Pizzası

Ərzaqlar

• Kartof 4-5 ədəd
• Zeytun yağı 30 ml
• Duz, qara istiot, pul bibər zövqə görə
• Tomat sousu
• Mozzarella pendiri 200 q
• Göbələk 4-5 ədəd
• Kolbasa "salyami" 8 dilim
• Parmezan pendiri 50 q

Hazırlanma qaydası

1. 1.Kartofu suda qaynadırıq (ölçüdən asılı olaraq 40-50 dəqiqə).
2. 2.Sonra kartofu soyudub soyuruq.
3. 3.Tavaya bişirmə kağızı qoyuruq, yağlayırıq, üstünə kartofları əlavə edib, əzib yayırıq. Sonra üzərinə əlavə bişirmə kağızı qoyub, düzləşdiririk. Kartof təxmini 1 sm qalınlıqda olmalıdır.
4. 4.Üzərinə zövqə görə zeytun yağı, duz, qara istiot və pul bibəri əlavə edib əvvəlcədən 270 dərəcədə qızdırılmış sobaya qoyub 5-10 dəqiqə bişiririk.
5. 5.Sonra əzilmiş kartofu çıxardıb üzərinə tomat sousu, mozzarella pendiri, göbələk və kolbasa əlavə edib yenidən əvvəlcədən 270 dərəcədə qızdırılmış sobaya qoyub 10-15 dəqiqə üstü qızaranadək bişiririk.
6. 6.Sobadan çıxardıb üzərinə parmezan pendiri sürtgəcdən keçirib əlavə edirik. Nuş olsun!

Qeydlər

• Ərzaqları öz zövqünüzə uyğun dəyişə bilərsiniz.
• Kartofları eyni ölçüdə seçin ki, eyni vaxtda bişsinlər.
• Soba hər iki halda alt-üst rejimdə işləməlidir.