Kələm Tskanı

Tskan - Ləzgi mətbəxinin ən tanınmış yeməklərindən biridir. Nənəmin reseptilə əsl ləzgi kələm tskanı hazırladım.

Xəmir üçün

• Un 500 q
• Duz 1.5 ç.q.
• Su

İçlik üçün

• Kələm 600 q
• Soğan orta 2 əd
• Kartof 4 əd
• Kərə yağı 150 q
• Keşniş 1 dəstə
• Şüyüd 1 dəstə
• Kəklikotu 20 q
• Duz
• Qara istiot

Üzəri üçün

• Yumurta sarısı 2 əd

Hazırlanma qaydası

1. 1.Una duz əlavə edib, xəmir konsistensiyası alınana kimi az-az su əlavə edib yaxşıca yoğururuq. Sonra üstünü örtüb yarım saat dincəldirik.
2. 2.Xəmiri 3 kündəyə bölürük: 2 böyük (alt və üst üçün, hərəsi təxmini 330 q), 1 balaca (orta üçün, təxmini 230 q). Yenidən yarım saat dincəldirik.
3. 3.Kündələri yayırıq, üzərinə əridilmiş kərə yağı çəkib qatlayıb kündələyirik. Yarım saat da dincəldirik.
4. 4.Kələmi nazik doğrayırıq, üzərinə duz əlavə edib əllərimizlə sıxırıq ki, həcmi azalsın.
5. 5.Ardınca doğranmış kartof, soğan, göyərti, kəklikotu, lazım olduqca duz və qara istiot, əridilmiş kərə yağı əlavə edib qarışdırırıq.
6. 6.Balaca kündəni tavaya uyğun yayıb tavada azca yağla bişirib qırağa qoyuruq.
7. 7.Tava soyuyandan sonra dibinə yenidən kərə yağı əlavə edirik. Böyük kündəni yayıb tavaya qoyuruq.
8. 8.Üzərinə tərəvəz qarışımının yarısını əlavə edirik, sonra balaca bişmiş kündəni qoyuruq, ardınca qarışımın ikinci yarısını əlavə edirik.
9. 9.Sonda ikinci böyük kündəni yayıb üstünü örtürük və qıraqlarını sıxırıq.
10. 10.Çəngəl ilə üstündə deşiklər açıb, yaxşı qızarması üçün yumurta sarısı sürtürük.
11. 11.Əvvəlcədən 180 dərəcəyə kimi qızdırılmış sobanın aşağı səviyyəsinə qoyub təxmini 60 dəqiqə bişiririk.

Qeydlər

• Bişmə prosesində tez-tez yoxlayın ki, yanmasın, çünki sobalar fərqlidir.