Kök piroqlarını dadanlar bilir ki, onların tərkibində kökün dadı hiss olunmur. Piroqa xüsusi dad ədviyyatlar və qoz-fındıqlar verir. Bu ləzzəti isə qaymaqlı krem tamamlayır. Bu reseptlə böyük və gözəl iki-üç qatlı tort da hazırlamaq mümkündür! Hər şey çox sadədir!
Ərzaqlar
Hazırlanma qaydası
- 1.Kökü rəndələyirik və limonun sarı hissəsini xırda sürtgəcdən keçirib əlavə edirik.
- 2.Sonra yarım limonun şirəsini kökə əlavə edib keçirik xəmirin hazırlanmasına.
- 3.3 yumurtaya şəkər əlavə edib mikserlə qarışdırırıq.
- 4.Quru ərzaqları ayrı qabda qarışdırırıq: un (ələkdən keçirilmiş), ədviyyatlar, duz, soda və qabartma tozu. Bunları yumurtaya əlavə edib yenə mikserlə qarışdırırıq - bərk xəmir alınmalıdır.
- 5.Sonra xəmirə öncədən hazırladığımız kökü, xırdalanmış qoz və bitki yağını əlavə edib qaşıqla qarışdırırıq.
- 6.Əvvəlcədən 180 dərəcədə qızdırılmış sobada 40-45 dəqiqə ərzində bişiririk. Hazır olmağını yoxlamaq üçün kürdanı batırıb baxırıq - kürdan quru çıxırsa, piroq hazırdır.
- 7.Ayrıca kremi hazırlayırıq və piroqun üzərinə çəkirik. Nuş olsun!
Qeydlər
- Limonun qabığını rəndələyərkən ağ hissəsinin düşməməsinə diqqət edin, çünki acılıq verəcək.
- Kremi yalnız piroq tam soyuduqdan sonra çəkin, əks halda krem əriyəcək.
Xəmir və çörək reseptləriŞirniyyat reseptləriVegetarian reseptləri