Brauni

Ən yaxşı hədiyyə öz əllərinizlə hazırladığınız hədiyyədir.

Ərzaqlar

• 200 q tünd şokolad
• 150 q əridilmiş kərə yağı
• 3/4 fincan şəkər
• 2 ədəd yumurta
• 10 q vanilli şəkər
• 3/4 fincan un
• 1/4 fincan kakao tozu
• 1 natamam ç.q. duz

Hazırlanma qaydası

1. 1.Şokoladı doğrayıb yarısını kərə yağı ilə buxarda əridirik, digər yarısını xəmirə qatmaq üçün saxlayırıq.
2. 2.Yumurtanı, şəkəri və vanili mikserlə çalırıq.
3. 3.Sonra əridilmiş kərə yağı və şokolad qarışımını əlavə edib yenidən 10 dəqiqə çalırıq.
4. 4.Unu, kakao tozunu və duzu ələkdən keçirib ehtiyatla spatulayla qarışdırırıq.
5. 5.Şokoladın ikinci yarısını əlavə edirik və xəmiri yağlı kağız sərilmiş formaya yayırıq.
6. 6.Əvvəlcədən 180 dərəcədə qızdırılmış sobada 20-25 dəqiqə bişiririk.
7. 7.Sonda soyumağını gözləyib doğrayırıq. Nuş olsun!

Qeydlər

• Formanın ölçüsü: 30 sm x 20 sm.
• Fincanın həcmi: 200 ml.
• Şokoladı yumurtalı qarışıma əlavə edəndə diqqət edin ki, otaq temperaturunda olsun, yoxsa yumurta istidən bişəcək.