Murqutuş

Tərəvəzli kuskus ilə Azərbaycan mətbəxinin unudulmuş təamı - Murqutuş.

Qarnir üçün

• Kuskus 190 q
• Bonduelle təravətli qarğıdalı 65 q
• Bonduelle təravətli yaşıl noxud 60 q
• Kök 1 əd
• Şirin qırmızı bibər 1 əd
• Soğan 0.5 əd
• Bitki yağı 1 x.q.
• Qaynar su 500 ml (və ya toyuq bulyonu)
• Duz, istiot

Murqutuş üçün

• Toyuq 1 əd
• Soğan 1 əd
• Cəfəri 2 dəstə
• Qoz 100 q
• Abqora və ya limonun suyu 1 x.q.
• Kərə yağı 150 q
• Duz, istiot

Hazırlanma qaydası

1. 1.Qarnir üçün tavada bitki yağını qızdırırıq, sonra xırda doğranılmış soğan, kök və bibəri əlavə edib qızarana kimi qovururuq.
2. 2.Qarğıdalı və noxudu əlavə edib 1 dəqiqə qızardırıq.
3. 3.Kuskus, qaynar su (və ya bulyon), duz və istiot əlavə edirik, qapağını örtüb 6-9 dəqiqə bişiririk.
4. 4.Murqutuş üçün ilk öncə toyuğu doğrayıb suda qaynadırıq.
5. 5.Soğanı xırda doğrayıb tavada kərə yağında qızılı rəng alana qədər bişiririk.
6. 6.Cəfərini çox xırda doğrayıb qovrulmuş soğana əlavə edib qovururuq.
7. 7.Üzərinə bişirdiyimiz toyuq tikələrini, duz və istiot əlavə edib 4-5 dəqiqə daha bişiririk.
8. 8.Daha sonra xırda doğranmış qoz ləpəsi, limon suyu (və ya abqora) və bişirib süzdüyünüz toyuğun bulyonundan 1.5 stəkan əlavə edib 15 dəqiqə vam odda bişiririk.
9. 9.Süfrəyə kuskusla birlikdə veririk.