Nyu-York Çizkeyk

Biskvit üçün

• Peçenye 150 q
• Kərə yağı 150 q
• Şəkər tozu 2 x.q.

İçlik üçün

• Krem-pendir (Krem-çiz) 230 q
• Şəkər tozu 100 q (0.5 st)
• Yumurta böyük 2 əd
• Xama 20% 120 q
• Vanilli şəkər tozu 10 q
• Limon şirəsi 1 ç.q.
• Qarğıdalı nişastası 1 ç.q.

Hazırlanma qaydası

1. 1.Peçenyəni üyüdürük – bunu həm qalın paketdə oxlovla, həm də blenderdə eləmək olar.
2. 2.Kərə yağını əridib, şəkər tozu ilə birlikdə peçenye qırıntılarına əlavə edirik və qarışdırırıq.
3. 3.Formanın dibinə yağlı kağız səririk. Qarışığı formaya əlavə edirik, stəkanın dibi ilə sıxırıq və yarım saatlıq soyuducuya qoyuruq.
4. 4.İçliyi hazırlamaq üçün otaq temperaturunda olan krem-pendiri çalırıq və hər əlavə etdiyimiz ərzaqdan sonra yenidən çalırıq.
5. 5.Hazır içliyi formanın içinə əlavə edib, AirFryer-in qabına qoyuruq və yüngülcə çırpırıq ki, içindəki hava çıxsın.
6. 6.150 dərəcədə 15–20 dəqiqə bişiririk.
7. 7.Bişəndən sonra AirFryer-in qabını 1–2 santimetrlik çıxardıb yarım saat soyumasını gözləyirik.
8. 8.Sonra qabı tam çıxarıb otaq temperaturuna qədər soyuduruq, daha sonra isə 4–5 saatlıq soyuducuya qoyuruq.

Qeydlər

• Peçenyəni paketdə əzərkən nəzərə alın ki, paket nazik olanda cırıla bilər.
• Altı çıxan formanız yoxdursa, dibini iki qat folqa ilə bağlaya bilərsiniz.
• Limon şirəsi yumurtanın dadını azaltmaq üçün lazımdır, qarğıdalı nişastası isə çatların əmələ gəlməsinin qarşısını alır.
• Bişdikdən sonra hərarət tez dəyişəndə çatlar əmələ gələ bilər, ona görə də qabı birdən tam çıxarmayın.