Özbək Plovu

Ərzaqlar

• Quzu əti 600 q (bud hissəsi)
• Kök 400 q
• Soğan 150 q (2 ədəd)
• Uzun düyü Basmati 350 q
• Qarğıdalı yağı 150 ml
• Sarımsaq 2 ədəd
• Cirə (kimyon) 1 ç.q.
• Sarıkök 1/2 ç.q.
• Duz zövqə görə
• Qara istiot 1/2 ç.q.

Hazırlanma qaydası

1. 1.Multibişiricini tava rejimində qoşuruq, yağı qızdırırıq.
2. 2.Soğanı yarımhalqa şəkildə doğrayıb yağa əlavə edirik.
3. 3.Soğan qızılı rəng alandan sonra əti əlavə edib bir az qızardırıq.
4. 4.Daha sonra kök əlavə edib yarıyumşalana qədər bişiririk.
5. 5.Ədviyyatları əlavə edib üzərinə çıxana qədər qaynar su əlavə edir və 5-10 dəqiqə bişiririk.
6. 6.Daha sonra yuyulmuş düyünü üzərinə səpələyirik, ucu kəsilmiş sarımsaqları qoyuruq.
7. 7.Üzərinə bir barmaq qədər qaynar su əlavə edib multibişiricinin qapağını bağlayırıq və düyü rejimində təzyiq altında 14 dəqiqə bişiririk.

Qeydlər

• Özbək plovunun gözəl rəngi soğanın qızarmasından yaranır.
• Cirə özbək plovunun əsas ədviyyatlarındandır.