Şəkərbura

İçlik üçün

• Fındıq qabığı soyulmuş 300 q
• Şəkər tozu 1 st.
• Hil 1 dolu ç.q.

Xəmir üçün

• Süd ilıq 1/2 st.
• Yumurta 1 əd
• Şəkər tozu 1 ç.q.
• Quru maya 1/2 ç.q.
• Duz 1 çimdik
• Vanilin 1 paket
• Kərə yağı 150 q
• Xama 3 dolu x.q.
• Un 3.5 st.

Hazırlanma qaydası

1. 1.İçlik üçün fındığı və hili toz halına gətirmək lazımdır.
2. 2.Qaba ilıq süd, şəkər və maya əlavə edib qarışdırırıq. Bunu stəkanda etmək daha rahat və tezdir, çünki qabda süd tez soyuyur.
3. 3.10 dəqiqə gözləyəndən sonra ilıq halda əridilmiş kərə yağı, vanilin, yumurta, xama və duz əlavə edib qarışdırırıq.
4. 4.Ardınca üzərinə 3 stəkan un əlavə edib qarışdırırıq. Ələ yapışmayan elastik hamar xəmir alınana kimi yoğururuq. Xəmir nahamar alınsa streçə büküb yarım saatlıq soyuducuya qoyun.
5. 5.Sonra xəmiri 24 hissəyə bölüb (hərəsi təxmini 35-40 q) kündələyirik. Üstünü örtüb 10 dəqiqə dincəlməsini gözləyirik.
6. 6.Sonra kündələri çox nazik olmadan yayırıq və yaxşı yapışsın deyə qıraqlarını nəmləndiririk.
7. 7.Xəmiri yayırıq və 2-3 dolu çay qaşığı içlik yerləşdirib üzərinə basdırırıq və kənarları birləşdiririk. Birləşmə yeri çox nazik olmamalıdır.
8. 8.Kənar hissələri bururuq və iynə ilə xəmiri 5-6 yerdən deşirik. Üzərinə naxış vurub soba listinə düzürük və 30 dəqiqə gözləyirik.
9. 9.Sonra əvvəlcədən 145 dərəcədə alt-üst rejimdə qızdırılmış sobada təxmini 20 dəqiqə bişiririk. Nəzarət edin üstü qızarmasın.

Qeydlər

• Stəkanın həcmi 200 ml.