Sırniki

İdeal və dağılmayan sırniki resepti.

Ərzaqlar

• Kəsmik 5% (suyu sıxılmış şəkildə) 500 q
• Yumurta 1 əd.
• Manna yarması 2-3 x.q.
• Şəkər tozu 1 x.q.
• Duz 1 çimdik
• Vanilin 5 q (zövqə görə)
• Un (bulamaq üçün)
• Bitki yağı (qızartmaq üçün)

Hazırlanma qaydası

1. 1.Kəsmiyin artıq suyunu kağız dəsmal və ya tənziflə yaxşıca sıxın (qeyd olunan çəki artıq sıxılmış kəsmiyin çəkisidir).
2. 2.Sıxılmış kəsmiyə yumurta, şəkər tozu, vanilin və bir çimdik duz əlavə edib qarışdırın.
3. 3.Üzərinə manna yarmasını əlavə edib yaxşıca qarışdırın və 30 dəqiqə kənarda saxlayın ki, manna yarması artıq nəmi canına çəksin.
4. 4.Kütləni 60 qramlıq kündələrə bölün, una bulayaraq düz stəkan və ya yumru forma köməyi ilə forma verin.
5. 5.Tavada orta odda bitki yağını qızdırın və sırnikilərin hər iki üzünü qızılı rəng alanadək qızardın.

Qeydlər

• Xəmirə 1 xörək qaşığından artıq şəkər tozu vurmayın, əks halda sırniki tavada dağıla bilər. Daha şirin istəyirsinizsə, hazır olduqdan sonra üzərinə şəkər kirşanı səpin.
• Qızartmaq üçün bitki yağı ilə azca kərə yağını qarışdırsanız, həm yanmaz, həm də dadlı olar.