Toyuqla Ocaxuri

Gürcüstanın ən sevilən yeməklərindən biri!

Ərzaqlar

• Toyuq bud dibi (təmizlənmiş) 500 q (file də olar)
• Gürcü acikası 2 ç.q.
• Kartof 1 kq
• Şirin qırmızı bibər 300 q
• Soğan 200 q
• Sarımsaq 3-4 diş
• Reyhan 0.5 dəstə
• Cəfəri 0.5 dəstə
• Yaşıl soğan 0.5 dəstə
• Paprika tozu 1 ç.q.
• Üyüdülmüş keşniş toxumu 1 ç.q.
• Xmeli suneli 1 ç.q.
• Qara istiot 0.5 ç.q.
• Duz
• Bitki yağı

Hazırlanma qaydası

1. 1.Toyuq budunu dəridən və sümüklərdən ayırırıq, acika əlavə edib 4-5 saat marinə edirik.
2. 2.Kartofu doğrayıb əvvəlcədən 180 dərəcədə qızdırılmış sobada tam bişənədək bişiririk.
3. 3.Tavada bitki yağında əvvəlcə toyuğu qovururuq, sonra toyuğu götürüb soğanı qızılı rəng alana qədər qovururuq.
4. 4.Ardınca qırmızı şirin bibər əlavə edib yarıbişmiş halına qədər bişiririk (5-10 dəqiqə).
5. 5.Sonra bişmiş toyuğu, kartofu, göyərtini, sarımsağı və ədviyyatları əlavə edib qapağı bağlı şəkildə vam odda 10 dəqiqə bişiririk.