Turşu Kabab

Talış mətbəxinin ən dadlı təamlarından biri olan Turşu Kabab.

Ərzaqlar

• Quzu əti 400 q
• Dana əti (yağsız) 500 q
• Quzu quyruğu 80 q
• Cəfəri 6-8 dəstə
• Soğan 1-2 ədəd
• Xırda badımcan 4-6 ədəd
• Abqora 50 ml (yoxdursa, 2 limonun şirəsi)
• Kərə yağı 100 q
• Duz
• Qara istiot

Hazırlanma qaydası

1. 1.Badımcanları təmizləyib duzlayır və acı suyunun çıxması üçün kənara qoyuruq.
2. 2.Quzu ətini qaynadırıq, hazır olana yaxın duz əlavə edirik.
3. 3.Dana ətini, quyruğu, soğanı və cəfərinin 1/4 hissəsini ətçəkən maşından keçiririk. Üzərinə duz və qara istiot əlavə edib yaxşıca qarışdırırıq.
4. 4.Qiymədən küftələr hazırlayırıq.
5. 5.Tavada 30 q kərə yağını əridib badımcanları qızardırıq və kənara qoyuruq.
6. 6.Digər tavada orta atəşdə 70 q kərə yağında qaynadılmış quzu ətini qızardırıq.
7. 7.Üzərinə cəfərinin qalan hissəsini əlavə edib bir az qovururuq.
8. 8.Sonra abqoranın qalan hissəsini və ət bulyonunu əlavə edirik.
9. 9.Bulyon qaynayanda küftələri əlavə edib, qapağı bağlı şəkildə orta odda 30 dəqiqə bişiririk.
10. 10.Bişməyə 10 dəqiqə qalmış qızardılmış badımcanları yeməyə əlavə edirik.

Qeydlər

• Quzu ətinin sümüklü (qabırğa) hissəsini istifadə etməyiniz məsləhətdir ki, bulyon daha dadlı alınsın.
• Qiymə soğanın suyuna görə çox sulu alınarsa, bir az manna yarması, un və ya qarğıdalı nişastası əlavə edə bilərsiniz.
• Qiyməni küftə halına gətirməmişdən əvvəl özünü tutması üçün 15 dəqiqə soyuducuda saxlayın.
• Küftələri hazırlayarkən əlinizə yapışmaması üçün əlinizi abqoraya (və ya limon şirəsinə) batırın.
• Yeməyi aş (plov) ilə servis edə bilərsiniz.