Çiyələkli Bento Tort

Ərzaqlar

• Süd 150 q
• Kərə yağı 40 q
• Un 200 q
• Kakao 30 q
• Qabartma tozu 10 q

Keks üçün

• Yumurta 4 əd
• Vanilin 1 paket
• Şəkər tozu 200 q

Krem üçün

• Qaymaqlı pendir 350 q
• Qaymaq 33% 100 q
• Şəkər pudrası 50 q

Cem üçün

• Çiyələk 350 q
• Qarğıdalı nişastası 1 ç.q.
• Şəkər tozu 3 x.q.
• Su 4 x.q.

Hazırlanma qaydası

1. 1.Kərə yağını süddə əridirik və otaq temperaturuna kimi soyuduruq.
2. 2.Ayrı qabda un, kakao və qabartma tozunu ələkdən keçirib qarışdırırıq.
3. 3.Yumurtaların ağını sarısından ayırırıq və ayrı qablarda mikserlə çalırıq.
4. 4.Sarını çalmamışdan əvvəl 50 q şəkər tozu və vanilin qatırıq.
5. 5.Yumurtanın ağını birinci köpük halına kimi çalırıq, sonra şəkərin qalanını (150 q) qatırıq.
6. 6.Sarının rəngi ağaranda və həcmi artanda yumurta ağına qatırıq və ehtiyatla silikon qaşıqla altdan yuxarı qarışdırırıq.
7. 7.Sonra un və kakao qarışımını əlavə edib qarışdırırıq.
8. 8.Xəmiri yağlı kağız sərilmiş soba listinə əlavə edib əvvəlcədən 170 dərəcəyə qızdırılmış sobada təxminən 20 dəqiqə bişiririk və bişməsini çöplə yoxlayırıq.
9. 9.Biskvit bişəndən sonra üstünü örtüb soyumağını gözləyirik.
10. 10.Cem üçün çiyələyi orta odda şəkər tozuyla qaynar hala gətiririk. Əvvəlcədən soyuq su ilə qarışdırılmış qarğıdalı nişastasını əlavə edirik və 2-3 dəqiqə qaynadırıq.
11. 11.Cemin üstünü qida plonkası ilə örtüb soyumağını gözləyirik.
12. 12.Qaymaqlı pendiri, qaymağı və şəkər pudrasını mikserlə krem halına kimi çalırıq.
13. 13.Sonda biskviti diametri 10-12 sm olan yumru forma ilə kəsirik və tortu yığırıq.

Qeydlər

• Biskvit bişərkən ilk 20 dəqiqə ərzində sobanın qapısını açmayın.
• Krem üçün istifadə olunan qaymaq mütləq minimum 33% yağlılıqda olmalıdır.
• Cem üçün dondurulmuş çiyələkdən də istifadə edə bilərsiniz.