Dana Qabırğası

Pambıq kimi yumşaq, sümükdən özü ayrılan və üzəri parlaq karamelizə olunmuş dana qabırğası.

Ərzaqlar

• Dana qabırğaları 2.5 kq

Marinad üçün

• Bal 50 q (2 x.q.)
• Xardal 40 q (1.5 x.q.)
• Bitki yağı Sloboda 30 ml (2 x.q.)
• Mayonez Sloboda 60 q (2 x.q.)
• Sarımsaq 6-8 diş
• Soya sousu 80 ml (5-6 x.q.)
• Duz 1 ç.q.
• Paprika 1.5 ç.q.
• Qara istiot 2 ç.q.

Qlazur üçün

• Bal 25 q (1 x.q.)
• Soya sousu 15 ml (1 x.q.)

Hazırlanma qaydası

1. 1.Qabırğanı kağız dəsmalla yaxşıca qurulayın və arxa tərəfdəki sərt plyonkanı çıxarın. Üzərinə bıçaqla sümük boyunca bir neçə kəsik edin ki, marinad içəri daha yaxşı hopsun.
2. 2.Dərin qabda bal, xardal, soya sousu, mayonez, bitki yağı, əzilmiş sarımsaq və ədviyyatları qarışdırın.
3. 3.Hazırladığınız marinadı qabırğanın hər tərəfinə yaxşıca çəkin və əlinizlə yüngül masaj edərək ətin üzərinə hopdurun.
4. 4.Qabırğanı örtüb soyuducuda minimum 4 saat, ideal halda bir gecə saxlayın ki, dadlar tam otursun.
5. 5.Qabırğanı əvvəl bişirmə kağızına, sonra iki qat folqaya möhkəm şəkildə bükün, soba qabına yerləşdirin və əvvəlcədən 140 dərəcədə qızdırılmış sobada 4 saat ərzində yavaş-yavaş bişirin. Bu mərhələdə ət çox yumşaq hala gəlir.
6. 6.Sonra folqanı açın və içində yığılan şirəni ehtiyatla kənara tökün.
7. 7.Ayrı qabda bal və soya sousunu qarışdıraraq qlazur hazırlayın və bu qarışığı qabırğanın üzərinə çəkin.
8. 8.Temperaturu 220 dərəcəyə qaldırın və qabırğanı əlavə 15-20 dəqiqə açıq şəkildə bişirərək üzərində qızarmış, parlaq qat alın.
9. 9.Hazır olduqdan sonra qabırğanı sobadan çıxarın və 10-15 dəqiqə dincə qoyun ki, şirəsi içində qalsın, sonra kəsərək servis edin.