Ət Qutabı

10 ədəd qutab üçün nəzərdə tutulub (stəkan həcmi: 200 ml).

Xəmir üçün

• Un 3 st.
• Duz 1 ç.q.
• Su xəmir olana qədər

İçlik üçün

• Quzu əti (yağlı) 450 q
• Soğan 4 əd. (orta)
• Duz 1 ç.q.
• Qara istiot 0.5 ç.q.

Hazırlanma qaydası

1. 1.Una duz və tədricən su əlavə edib xəmir yoğurun, üstünü örtüb 30-40 dəqiqə dincəldin.
2. 2.Xəmiri 10 bərabər yerə bölüb kündələyin və yenidən üstünü örtün.
3. 3.Əti və soğanı ətçəkəndən keçirin, duz və istiot əlavə edib qarışdırın.
4. 4.Qiyməni tavaya qoyub orta odda, qapağı bağlı şəkildə rəngi bozarana qədər yarımçıq bişirin (qutabın quru olmaması üçün suyunun tam çəkilməməsinə diqqət edin).
5. 5.Kündələri nazik yayın, içlikdən qoyub aypara şəklində bükün.
6. 6.Qutabları qızmar quru tavada və ya sacda hər iki üzünü bişirin.