İdeal Pizza Xəmiri

Əsl italyan pizza resepti — evdə hazırlaya biləcəyiniz ən ideal xəmir resepti!

Xəmir üçün

• Un 800 q
• Su 0.5 l
• Duz 25 q
• Quru maya 1 q
• Şəkər 10 q
• Zeytun yağı 25 q

Sous üçün

• Tomat pastası 6 x.q.
• Oreqano 1 ç.q.
• Yaşıl reyhan 4-5 yarpaq
• Duz 1/2 ç.q.
• Qara istiot 1/2 ç.q.
• Zeytun yağı 3 x.q.
• İsti su 8 x.q.

İçlik üçün (zövqə görə)

• Mozzarella pendiri (rəndələnmiş) 300 q
• Yarım hisə verilmiş halal kolbasa
• Bolqar bibəri
• Göbələk
• Qara zeytun
• Zeytun yağı

Hazırlanma qaydası

1. 1.Mayanı una qatıb qarışdırın, ayrı bir qabda isə duzu suda həll edin.
2. 2.Unun əsas hissəsini duzlu suya qatıb qarışdırın. Unun qalan hissəsini xəmir konsistensiyası alana qədər tədricən əlavə edin.
3. 3.Şəkər tozu və zeytun yağını əlavə edib xəmiri 20 dəqiqə yoğurun.
4. 4.Yoğrulmuş xəmirin üstünü örtüb 20 dəqiqə dincəldin.
5. 5.Xəmiri 4-6 hissəyə bölüb kündələyin, üstünü örtüb 6-8 saat saxlayın.
6. 6.Sous üçün olan bütün ərzaqları bir qabda yaxşıca qarışdırın.
7. 7.Kündələri əllə açaraq bişirmə kağızının üzərinə qoyun.
8. 8.Xəmirin üzərinə tomat sousu çəkin, rəndələnmiş mozzarella və zövqə görə digər içlik ərzaqlarını düzün.
9. 9.Soba listini tərs çevirərək sobanı maksimum dərəcəyə qədər qızdırın.
10. 10.Pizzanı bişirmə kağızı ilə birlikdə qızmış soba listinin üzərinə yerləşdirin və xəmir hazır olana qədər bişirin (275 °C dərəcədə təxminən 10 dəqiqə).

Qeydlər

• Duz maya ilə birbaşa təmasda olmamalıdır, əks halda mayanın fəaliyyətini zəiflədə bilər.
• Pizzanın ideal bişməsi üçün sobanın temperaturu mümkün qədər yüksək olmalıdır.