Klassik Ev Lüləsi

Ev şəraitində qrildə və ya manqalda hazırlaya biləcəyiniz ən dəqiq klassik lülə kabab resepti.

Ərzaqlar

• Sümüksüz qoyun qol əti - 1 kq
• Qoyun quyruğu - 500 q
• Soğan - 200 q (1 ədəd orta)
• Duz - 1.5 ç.q.
• Qara istiot - 0.5 ç.q.

Servis üçün

• Soğan
• Cəfəri
• Sumax
• Sac lavaşı

Hazırlanma qaydası

1. 1.Qoyun ətini və quyruğu ətçəkən maşından keçirin.
2. 2.Soğanı ətçəkəndən keçirirsinizsə, suyunu yaxşıca sıxın; bıçaqla xırda doğrayırsınızsa, suyunu sıxmağa ehtiyac yoxdur.
3. 3.Qiyməyə duz və qara istiot əlavə edib yaxşıca yoğurun və çırpın.
4. 4.Hazır qiyməni ən azı yarım saat soyuducuda dincəldin.
5. 5.Qiymənin ələ yapışmaması üçün əllərinizi ilıq su ilə isladaraq soyuq şişlərə çəkin.
6. 6.Qrildə və ya gür alovlu köz üzərində çevirərək bişirin.
7. 7.Sac lavaşı, doğranmış soğan, cəfəri və sumax ilə süfrəyə verin.

Qeydlər

• Şişlər qətiyyən isti olmamalıdır.
• Qril və ya köz gür odda olmalıdır.