Qırmızı Məxmər Peçenyə

14 Fevralda sevgilinizi təəccübləndirmək üçün ideal desert: Qırmızı Məxmər Peçenyə.

Ərzaqlar

• Un 210 q
• Şəkər pudrası 170 q
• Kakao (tünd olmayan) 7 q
• Qabartma tozu 10 q
• Duz 1 çimdik
• Yumurta 1 əd
• Süd 40 ml
• Kərə yağı 60 q
• Qida boyası qırmızı 1 ç.q.
• Şəkər pudrası (üst üçün) 100 q

Hazırlanma qaydası

1. 1.Quru ərzaqları mütləq ələkdən keçiririk.
2. 2.Ayrı qabda otaq hərarətində olan yumurta, süd və 1 çay qaşığı qırmızı qida boyasını qarışdırırıq.
3. 3.Sonra otaq hərarətində olan kərə yağını və hazırladığımız qırmızı mayeni quru ərzaqlara qatırıq və xəmir formalaşana qədər qarışdırıb yoğururuq.
4. 4.Bundan sonra xəmirin üstünü örtüb mütləq ən azı 2 saatlıq soyuducuya qoyuruq (gecə qalsa da olar).
5. 5.Xəmir tam soyuyandan sonra qoz ölçüsündə kündələr hazırlayıb şəkər pudrasına yaxşıca batırırıq.
6. 6.Hazırladığımız şəkərli kündələri yağlı kağızın üzərinə aralı düzüb əvvəlcədən 190 dərəcədə qızdırılmış sobada alt-üst rejimdə orta səviyyədə 12 dəqiqə ərzində bişiririk.

Qeydlər

• Nəzərə alın ki, kakao tünd olmasın, əks halda zəngin qırmızı rəngin yerinə tünd qırmızı-qəhvəyi rəng alınacaq.
• Qida boyası su kimi duru olmalıdır.
• Pudranı xəmirin üstündən çırpmayın ki, çatlayanda gözəl kontrast alınsın.