Tənbəl Kələm Dolması

Tənbəl kələm dolması - bükməyə ərinənlər üçün əla üsul!

Ərzaqlar

• Kələm balaca 1 əd
• Dana qiyməsi 500 q (bir az yağlı olsa əla olar)
• Yumru düyü 100 q
• Soğan orta 1 əd
• Tomat pastası 1 x.q.
• Cəfəri 0.5 dəstə
• Reyhan 0.5 dəstə
• Sarımsaq tozu 1 ç.q.
• Sarıkök 0.5 ç.q.
• Duz 1 ç.q.
• Qara istiot 0.5 ç.q.
• Pomidor orta 1-2 əd

Sous üçün

• Tomat pastası
• Su
• Duz

Hazırlanma qaydası

1. 1.Kələmin yarpaqlarını yumşalana qədər qaynar suda saxlayırıq və qalın hissələrini kəsirik.
2. 2.Düyünü yuyub ədviyyat, soğan və göyərti ilə birlikdə qiyməyə qatır, yaxşıca yoğururuq.
3. 3.Kələm yarpaqlarını formaya düzürük, üzərinə qiymənin yarısını yayırıq.
4. 4.Sonra yenə kələm yarpaqları, daha sonra qalan qiyməni qoyub yarpaqlarla örtürük.
5. 5.Üstünə pomidor və tomat sousu əlavə edib folqa ilə bağlayırıq.
6. 6.Əvvəlcədən 200 dərəcəyə qədər qızdırılmış sobada 1 saat, sonra folqanı çıxarıb əlavə 10-15 dəqiqə bişiririk.

Qeydlər

• Qiyməyə bir az su əlavə etmək olar ki, bişəndən sonra bərk olmasın.