Yumurta Piroqu

Həm hazırlanması yüngül, həm ərzaqları rahat tapılan reseptdir.

İçlik üçün

• Yumurta 4 əd
• Yaşıl soğan 1 dəstə
• Xama 1 x.q.
• Duz

Xəmir üçün

• Yumurta 4 əd
• Xama (20%) 4 x.q.
• Qabartma tozu
• Un 5 x.q.
• Duz

Forma və üzəri üçün

• Bitki yağı
• Küncüt

Hazırlanma qaydası

1. 1.Yumurtaları qaynadandan sonra qabığı rahat soyulması üçün dərhal soyuq suya qoyuruq.
2. 2.Yaşıl soğanı yuyub doğrayırıq, yumurtanı soyub doğrayırıq, xama və duz əlavə edib qarışdırırıq.
3. 3.Xəmir üçün qeyd olunan ərzaqları bir qaba yığıb qarışdırırıq.
4. 4.Formanı yağlayıb xəmirin yarısını tökürük, ardınca içliyi, ardınca da xəmirin ikinci yarısını tökürük.
5. 5.Üstündən küncüt əlavə edib, əvvəlcədən 180 dərəcəyə kimi qızdırılmış sobaya (orta səviyyəsindən aşağı) qoyuruq və üstü qızarana kimi bişiririk (30-40 dəqiqə).

Qeydlər

• Kənd yumurtası xırda olduğuna görə həm içliyi, həm də xəmiri üçün 1 yumurta əlavə edin.